20/80
هذه قاعده تنص عل. ان 20% من الأمور الي نسويها كل يوم تصنع ال80% من انجازاتنا النهائية فمعرفة هذه القاهدة تساعدنا اننا نتذكر نحاول دايما نقوم بمهام لها رابط بأهدافنا اللي نحاول نحققها و ما نخلي يومنا روتيني بحت ليس له صله بأهداف ولا طموح و نقوم بمهام ما تخصنا بس عشاننا لقيننا قدامنا .
طيب ايش بعض النقاط الي تساعدنا في هذا الشي ؟
- وفري وقتك في المهام الصغيرة و استخدميه في إنجاز المهام أو الفعاليات ذات القيمة الي تفيدك بشيء معين . كل يوم قبل النوم اكتبي قائمة بخمس مهام تبين تنجزينها ( ركزي على الأشياظ الي دايما ودك تسوينها و يروح اليوم ما انجزتيها مع انها مهم؛ و تخدم هدف معين ) و بنهاية اليوم احرصي انك أنجزتيهم بيكون لك احساس حلو ان؛ تشطبينهم و تستبدلينهم بمهام جديدة لليوم الجاي و الي ما انجزتيه تنقلينه لليوم الي بعده .
- وفري وقتك بالحلطمة و استخدميه في انك تبدئين المهمة اللي عليك طالما لها هدف و تخدمك حاولي ما تتحلطمين او تماطلين لأنك كذا كذا بتسوينها .
- وفري وقتك في التدقيق على نقاط ضعفك و ركزي على نقاط قوتك و استخدميها .
- وفري وقتك بانك تكونين مثالية في كل شي تسوينه و ما تقدرين تنهين مهامك لانا لسا مو مثاليه و بداله حاولي انك تركزين في انجاز مهمة كاملة بدون ما تكون مثالية .
- وفري وقتك في التوتر و استخدميه بأن؛ تلقين حل للمشكلة اللي موترتك .
- وفري وقتك بالتفكير في شكوكك حول نفسك و ركزي في ايمنك بذاتك .
- وفري وقتك بانك تكونين دايما واعية في تصرفاتك و علاقاتك عشان ما تدفعين الثمن بالمستقبل.
- وفري وقتك بالتفكير برأي ناس عنك و استخدميه في انك ترضين نفسك .
- وفري وقتك بالتفكير في الماضي أو القلق على المستقبل و استخدميه في انك تعيشين اللحظة و تستمتعين .
- وفري وقتك انك تفكرين ان الحياة عناء و مشقة عشان توصلين للي تبينه و فكري في ان الحياة يسر و سهولة و كل الي تبينه بيجيك .
في تمرين صغير أحب أسويه كل مره لتعديل الروتين
على ورقة بيضاء ارسمي دائرة هذه الدائرة هي وقتك في اليوم ابدي قسميها على حسب ايش تسوين و كل شي قد ايش ياخذ من وقتك مثلاً :
العمل 60٪
العائلة 20٪
نفسي 5٪
النوم 5٪
بعدين ارسمي دائرة ثانية تعبر عن كيف ودك يكون تقسيمة يومك عشان تخدمك و تخدم أهدافك
مثلاً :
العمل 50٪
العائلة 10٪
نفسي و هواياتي 10٪
النوم 10٪
وقت للأصدقاء 10٪
وقت فراغ 10٪
و بعدها أبد أفكر بالطرق الي بتساعدني اني أحصص هذه المعادلة الجديدة و بدون جهد شوي شوي ألاقي نفسي تغيرت معادلة يومي .
جربوها !