أي مشاعر قديمة تؤذي أكثر من انها تؤدي غرض الكره أو حتى العدوانية و الغضب كلها مشاعر نشيلها و تحملنا فوق طاقتنا و تجذب من المشاعر اللي تماثلها فتخيلي معاي موقف أغضبك و ولد عدوانية بينك و بين شخص و جلستي حاملة لهذا الموقف و المشاعر خلينا نقول سنتين و كل مره تشوفي الشخص تتجدد و تجذبين من نفس المشاعر و كل ما صار نفس الموقف حملتي كلها أعباء مالها أي قيمة ولا تفيدني ولا تسويلي شي بل تعرقلني عن اللي أبيه و هذا أكبر سبب يخلينا نتخلص من هذه المشاعر و نودعا و نسامح و ننسى .
طبعا كثير وسائل للمسامحة و مو كل مسامحه هي نفسها لا تختلف في شدتها و صعوبتها و البعض ياخذ سنين عشان يقدر يسامح موقف واحد بس بناخذ أبسط طريقة ممكن تجربينها .
4 خطوات للمسامحة :
- ما هي الحقائق ؟ اكتبي الموقف الي صارلك بوجهه نظر محايدة و خليك واقعية لا تدمجين مشاعرم بالسرد . لأن لما تقرين غير لما يكون الموقف كله في مخك تعيدينه و تزيد تفاصيله .
- تقبل الواقع ! لا تضيعين نفسك بالدموع و العصبية و اللوم خلاص الموقف صار و انتهى ماضي فدوري لك موقف جديد من الموضوع و لو انتي بوقتها ما عبرتي عن نفسك خذي وقتك في هذه اللحظة انك تعبرين و تطلعين احساسك الي حسيتيه بس في هذه اللحظة .
- قرري انك رح تتركين الموضوع في الماضي و تتخلين عنه ! هل انتي جاهزة للتخلي ولا لسا تعيدين و تزيدين بالتفاصيل و الدراما ؟ و تتذكرين أشياء ممكن صارت و ممكن ما صارت فقرري انك رح تسامحين نفسك و الشخص الثاني على هذا الموقف و انه صار ماضي خلاص . بعض المواقف ما نقدر نسامحها كامله لكن نسامح شوي شوي فخذي وقتك كل مسامحة صغيره تنحسب لان بالنهاية بتنسين الموضوع .
- تمتعي بالحرية الي بتجيك بعد ما تسامحين ! لما تسامحين نفسك و الشخص الثاني بتحسين انك حرة مافي غضب يسيطر عليك أو موقف لازم توقفين عليه و بتحسين انك فكيتي شوي و جالسه تستمتعين بوقتك أكثر من قبل .